Պատմական ակնարկ և կարգավիճակ

• Ստեղծումը. Ընկերությունը հիմնադրվել է 1997թ. դեկտեմբերի 29-ին։ Սկզբնական շրջանում հրատարակել է «ՀՀ պաշտոնական տեղեկագիր», «ՀՀ գերատեսչական նորմատիվ ակտերի տեղեկագիր» և այլ պարբերականներ:

• Կառավարումը. 2000թ. ապրիլից ընկերության բաժնետոմսերի տնօրինման լիազորությունները վերապահվել են ՀՀ արդարադատության նախարարությանը:

• ARLIS համակարգ. 2005 թվականից ընկերությունն իրականացնում է Հայաստանի Իրավական Տեղեկատվական Համակարգի (ԱՐԼԻՍ) կառավարումն ու սպասարկումը:

• Բացառիկ կարգավիճակ. 2020թ. հուլիսի 1-ից ԱՐԼԻՍ միասնական էլեկտրոնային հարթակն ունի իրավական ակտերի միակ պաշտոնական սկզբնաղբյուրի կարգավիճակ:

Մեր առաքելությունը և նպատակները Ընկերության գլխավոր առաքելությունն է ապահովել պետական մարմինների, իրավաբանական և ֆիզիկական անձանց բնականոն գործունեությունն ու բարձրացնել հասարակության իրավական գրագիտությունը։

Այդ նպատակով մենք իրականացնում ենք՝

• Իրավական ակտերի պաշտոնական (և ոչ պաշտոնական) հրապարակում և դրանց ինկորպորացիա:

• Իրավական տեղեկատվության համակարգված տարածում։

• ՀՀ օրենսդրական դաշտում տեղի ունեցող զարգացումների շուրջօրյա (24/7) և ժամանակին հանրային իրազեկում:

Մեր առաջնահերթությունը Մեր գլխավոր առաջնահերթությունը ARLIS.am կայքի շարունակական կատարելագործումն ու նորարարական լուծումներով հանրայնացումն է: